المصــــــري
/ Print PDF
لو صليت في مكان وبعد الصلاة اللي جنبك مد إيده وقال لك تقبل الله.. يبقى مصري.
إذا سمعته بعد أن يضحك يقول . خير اللهم إجعله خير .. فتأكد أنه مصري .
لو إتصلت بيه في التليفون وقال لك من غير مناسبة كل سنة وإنت طيب .. فتأكد أنه مصري .
لما تنزل تلاقي واحد ساند على عربيتك واول ما يشوفك يضحك ويقولك لا مؤاخذه يا باشا
لو دخلت عليه وكان بياكل ولو حتى عيش حاف لازم يقولك اتفضل الأكل ويعيدها عليك ثلاث أربع مرات.
لو لاقيت واحد بيظلم واحد فى رزقه ويتمتع بأذلاله يبقى مش مصرى ولو سمعت رد المظلوم علية بكلمة حسبنا الله ونعم الوكيل فيك وفى بيتك واولادك وكما تدين تدان يبقى ده مصرى.
ولو لقيت واحد واقف مع الحق وبيجيبله حقه يبقى ده المصرى اللى معدنة نفيس.
و لما عربية تعمل حادثة فى الطريق الصحراوى أو الزراعى , و فى ثوانى تقف لها خمسين عربية ينقذوا المصابين و يعدلوا العربيات و لو اضطروا يشيلوهم من على الأرض هم دول المصريين.
لما تلاقي سيدة في الرايحة والجاية عمالة تدعي لأولادها تبقى دي أم مصرية وطموحاتها وأحلامها الشخصية فى الحياة إن أولادها يبقوا مبسوطين.
لو شفت واحد وقف فجأة و هو ماشى فى الشارع و مد ايده على حتة عيش مرمية على الأرض وقام رافعها لراسه وباسها قبل مايحطها جنب الرصيف يبقى الواحد (او الواحدة) ده مصرى.
لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه يبقى مصرى.
لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري
ما تيجي تدفع الأجرة لواحد أول مرة تعرفه، يحلف عليك تخلي بأه.
لو سالت سواق تاكس على عنوان وبدل ما يدلك قالك امشي ورايا يبقى مصري (وعلى فكرة ساعات بيغير اتجاهه عشان عنده رغبة صادقة يوصلك وخايف تتوه).
لما تلاقي خناقة فى الميكروباص والأصوات عليت كل واحد فيهم بيحلف إنه يدفع للتاني الاجرة.
لما تلاقي ست البيت بتحوش برطمانات المربي الفاضية وعلب الحلاوة سنين طوال بدون استخدام يبقي أكيد دي مصرية
ولما تلاقى شعب فى اكبر ازمه بيمر بيها مابينساش يضحك و ينكت ويضحك اللى حوليه وكل العالم يتكلم عليه و على خفة دمه.
كن أحد معجبينا للفيس بوك وإضغط زر like أو ساهم بنشر الصفحة share
كن إيجابياً لا تقرأ وترحل بل أترك لنا تعليقاً...
إدعــم :
صفحتى للفيـس بـوك
الاشتراك في:
تعليقات الرسالة
(
Atom
)